Sunday, March 3, 2013

പകുതികളില്‍ പറഞ്ഞുവെയ്ക്കപ്പെടുന്നത് പ്രണയമല്ലാതെന്താകുന്നു...




പ്രണയത്തിന്‍റെ കടലാഴങ്ങളിലേക്ക്
എത്ര പെട്ടെന്നാണല്ലേ
നമ്മള്‍ പരസ്പരം
കൂട്ട് പോയത്.

നിന്‍റെ,യെന്‍റെയെന്നില്ലാതെ
ആഴങ്ങള്‍ നമുക്കധീനപ്പെട്ടത്‌ .

ഓരോ നുരചിന്തലില്‍ ചെറു  കടലൊളിപ്പിച്ച്. .
അന്തിമാനത്തോളം ചുവന്ന്..

എന്‍റെ കണ്‍പീലികളില്‍
നിന്‍റെയധരമൊരു കവിയാകുന്നു .
വിരലുകള്‍ക്കിടയില്‍ ഇക്കിളിയിട്ട്
ചെറുമീന്‍ കുഞ്ഞുങ്ങള്‍ ..
പാഞ്ഞു പരന്ന് ,
ഒളി കണ്ണെറിഞ്ഞു,
മേലെ നരച്ച നീലിമ .

കാലമേ...
ഒച്ചിഴയുന്ന പോലെ പോവുക..
പായ്ക്കപ്പല്‍ ചീന്തിലെ
ജലധാര പോലെയീ
ചീറ്റി ചിതറും
പ്രണയ പ്രവാഹത്തില്‍ -
പ്പതഞ്ഞുരുകിതീരട്ടെ  ഞാന്‍ ..

3 comments:

  1. കാലമേ...
    ഒച്ചിഴയുന്ന പോലെ പോവുക..
    പായ്ക്കപ്പല്‍ ചീന്തിലെ
    ജലധാര പോലെയീ
    ചീറ്റി ചിതറും
    പ്രണയ പ്രവാഹത്തില്‍ -
    പ്പതഞ്ഞുരുകിതീരട്ടെ ഞാന്‍ ..

    ReplyDelete
  2. എന്‍റെ കണ്‍പീലികളില്‍
    നിന്‍റെയധരമൊരു കവിയാകുന്നു .

    ReplyDelete